Tirumala: కలియుగ ప్రత్యక్ష దైవం తిరుమల శ్రీ వేంకటేశ్వర స్వామి వారి దర్శనానికి భక్తుల రద్దీ స్థిరంగా కొనసాగుతోంది. శుక్రవారం ఉదయం నాటికి వైకుంఠం క్యూ కాంప్లెక్స్‌లోని 16 కంపార్ట్‌మెంట్లలో భక్తులు స్వామివారి దర్శనం కోసం వేచి ఉన్నారు. ఎలాంటి ముందస్తు దర్శన టోకెన్లు లేని సామాన్య భక్తులకు శ్రీవారి సర్వదర్శనం పూర్తి కావడానికి సుమారు 8 గంటల సమయం పడుతున్నట్లు తిరుమల తిరుపతి(Tirumala) దేవస్థానం (టీటీడీ) అధికారులు వెల్లడించారు. క్యూలైన్లలో వేచి ఉన్న భక్తులకు ఎలాంటి అసౌకర్యం కలగకుండా టీటీడీ విజిలెన్స్, సిబ్బంది ఎప్పటికప్పుడు పాలు, తాగునీరు, అల్పాహారం అందిస్తూ ఏర్పాట్లను పర్యవేక్షిస్తున్నారు.

AP Parishad Election: ఏపీ జిల్లా పరిషత్ ఎన్నికలు.. అభ్యర్థుల జాబితా విడుదల చేసిన టీడీపీ

నిన్న 67,915 మందికి శ్రీవారి దర్శనం.. రూ.4.61 కోట్ల హుండీ ఆదాయం:

గురువారం నాడు తెల్లవారుజాము నుంచి అర్ధరాత్రి వరకు మొత్తం 67,915 మంది భక్తులు శ్రీవారిని దర్శించుకుని తమ మొక్కులు చెల్లించుకున్నారు. వీరిలో 23,399 మంది భక్తులు స్వామివారికి తమ తలనీలాలను సమర్పించుకున్నారు. నిన్న ఒక్కరోజే భక్తులు భక్తిశ్రద్ధలతో సమర్పించిన కానుకల ద్వారా శ్రీవారి హుండీకి రూ.4.61 కోట్ల ఆదాయం లభించినట్లు టీటీడీ అధికారులు అధికారికంగా ప్రకటించారు.

శ్రీవారి అభిషేక సేవలో పాల్గొన్న సింగపూర్ మంత్రి షణ్ముగం:

మరోవైపు, సింగపూర్ మంత్రి కె. షణ్ముగం శుక్రవారం ఉదయం తిరుమల శ్రీవారిని దర్శించుకున్నారు. ఏపీ మంత్రి నారాయణతో కలిసి ఆయన స్వామివారి సుప్రభాత అనంతరం జరిగే అభిషేక సేవలో భక్తిశ్రద్ధలతో పాల్గొన్నారు. ఆలయ మహాద్వారం వద్దకు చేరుకున్న వీరికి టీటీడీ ఈవో వెంకయ్య చౌదరి ఘన స్వాగతం పలికి, ప్రత్యేక దర్శన ఏర్పాట్లు చేశారు. దర్శనానంతరం రంగనాయకుల మండపంలో వేదపండితులు వేదాశీర్వచనం అందించగా, ఈవో స్వామివారి శేషవస్త్రంతో సత్కరించి తీర్థప్రసాదాలను అందజేశారు. ఈ సందర్భంగా మంత్రి షణ్ముగం మాట్లాడుతూ.. తిరుమల శ్రీవారిని దర్శించుకోవడం, అభిషేక సేవలో పాల్గొనడం తనకు ఎంతో ఆనందంగా, ఆధ్యాత్మిక అనుభూతిని కలిగించిందని సంతోషం వ్యక్తం చేశారు.