ടാറ്റ ഇൻസ്റ്റിറ്റ്യൂട്ട് ഓഫ് സോഷ്യൽ സയൻസസിന്റെ മുംബൈ ക്യാംപസിലെ വിവിധ പിജി പ്രോഗ്രാമുകളിലേക്ക് ക്യാറ്റ് 2026 സ്കോറിന്റെ അടിസ്ഥാനത്തിൽ പ്രവേശനം നേടുന്നതിനായി ഇപ്പോൾ അപേക്ഷ സമർപ്പിക്കാം. ഹ്യുമൻ റിസോഴ്സസ് മാനേജ്മെന്റ്, ഓർഗനൈസേഷൻ ഡവലപ്മെന്റ്, ഹോസ്പിറ്റൽ അഡ്മിനിസ്ട്രേഷൻ, അനലിറ്റിക്സ് തുടങ്ങിയ കോഴ്സുകളിലേക്കാണ് ഈ പ്രവേശനം ലഭ്യമാക്കിയിട്ടുള്ളത്. ഏതെങ്കിലും വിഷയത്തിൽ ബിരുദം നേടിയവർക്കും അവസാന വർഷ വിദ്യാർത്ഥികൾക്കും ഡിസംബർ 4 വരെ ഔദ്യോഗിക വെബ്സൈറ്റ് വഴി അപേക്ഷിക്കാവുന്നതാണ്. ക്യാറ്റ് സ്കോറിനോടൊപ്പം ഓൺലൈൻ അസസ്മെന്റിന്റെയും പ്രവൃത്തിപരിചയത്തിന്റെയും അടിസ്ഥാനത്തിലാണ് അന്തിമമായി വിദ്യാർത്ഥികളെ തിരഞ്ഞെടുക്കുന്നത്.