കൊച്ചി: മെസ്സിയെ കേരളത്തിലേക്ക് കൊണ്ടുവരാൻ എന്ന പേരിലെ തട്ടിപ്പിൽ മുൻ കായിക മന്ത്രിയെ പ്രതിചേർത്തു. വി അബ്ദുറഹിമാൻ, മുൻ മന്ത്രിയുടെ പ്രൈവറ്റ് സെക്രട്ടറി സി സത്യപാലൻ, മുൻ സ്പോർട്സ് കൗൺസിൽ പ്രസിഡണ്ട് യു ഷറഫലി എന്നിവരാണ് പ്രതികൾ. തിങ്കളാഴ്ച കളമശ്ശേരി കോടതിയിൽ റിപ്പോർട്ട് നൽകും. ആർ ബി സി ക്കായി മുൻമന്ത്രി വഴിവിട്ട് ഇടപെട്ടുവെന്നും നേരായ ഉദ്ദേശത്തോടെയാണോ എന്ന് സംശയിക്കണമെന്നുമാണ് പ്രത്യേക അന്വേഷണ സംഘം പറയുന്നത്. സ്റ്റേഡിയം കൈമാറ്റത്തിൽ സുതാര്യത ഉണ്ടായിട്ടില്ല. ദിവസം എട്ടര ലക്ഷം രൂപ വാടകയുള്ള സ്റ്റേഡിയം രണ്ടുമാസവും നാലു ദിവസവും സൗജന്യമായി നൽകി. ഇതിൽ സർക്കാരിന് സാമ്പത്തിക ബാധ്യതയുണ്ട്. മന്ത്രിയും പ്രൈവറ്റ് സെക്രട്ടറിയും സ്പോർട്സ് കൗൺസിൽ പ്രസിഡണ്ടും ഇതിനായി ഒരുപോലെ പ്രവർത്തിച്ചുവെന്നും സ്റ്റേഡിയം കൈമാറ്റത്തിൽ സർക്കാർ ബാധ്യതയാകുന്ന ഉപാധികൾ ഉണ്ടാക്കിയെന്നും ഇതിന് കൃത്യമായ കരാറുണ്ടായില്ലെന്നും എസ് ഐ ടി. ഇന്നലെയാണ് ഇത് സംബന്ധിച്ച് ഉത്തരവിറങ്ങിയത്.
ദേശീയം
മെസ്സിയുടെ പേരിലെ തട്ടിപ്പ്: മുൻ കായിക മന്ത്രി വി അബ്ദുറഹിമാനെ പ്രതിചേർത്തു, സർക്കാരിന് സാമ്പത്തിക ബാധ്യതയുണ്ടാക്കിയെന്ന് എസ്ഐടി

ഈ ഉള്ളടക്കം Asianet News Malayalam - Kerala പ്രസിദ്ധീകരിച്ചതാണ്; IB9TV ഇത് എഴുതുകയോ എഡിറ്റ് ചെയ്യുകയോ ചെയ്തിട്ടില്ല. യഥാർത്ഥ വാർത്ത കാണുക
