കേന്ദ്ര പൊതുമേഖല സ്ഥാപനമായ എൻ എൽ സി ഇന്ത്യ ലിമിറ്റഡിൽ ഗ്രാജുവേറ്റ് എക്സിക്യൂട്ടീവ് ട്രെയിനി തസ്തികയിലെ നൂറ്റിനാപത്തിമൂന്ന് ഒഴിവുകളിലേക്ക് യോഗ്യരായ ഉദ്യോഗാർത്ഥികളിൽ നിന്നും ഡിസംബർ പതിനാലിനകം ഓൺലൈൻ അപേക്ഷകൾ ക്ഷണിച്ചിരിക്കുന്നു. മെക്കാനിക്കൽ, ഇലക്ട്രിക്കൽ, സിവിൽ, മൈനിങ് എൻജിനീയറിങ് ശാഖകളിൽ അറുപത് ശതമാനം മാർക്കോടെ ബിരുദവും രണ്ടായിരത്തി ഇരുപത്തിയഞ്ചിലെ ഗേറ്റ് സ്കോറുമുള്ള മുപ്പത് വയസ്സിൽ താഴെയുള്ള ഇന്ത്യൻ പൗരന്മാർക്ക് ഈ അവസരം ഉപയോഗപ്പെടുത്താം. സംവരണ വിഭാഗക്കാർക്ക് പ്രായത്തിലും യോഗ്യതാ മാർക്കിലും നിയമാനുസൃതമായ ഇളവുകൾ ഉണ്ടായിരിക്കുന്നതാണ്. എഴുത്ത് പരീക്ഷ ഇല്ലാതെ ഗേറ്റ് സ്കോറിന്‍റെയും അഭിമുഖത്തിന്‍റെയും അടിസ്ഥാനത്തിൽ ഷോർട്ട് ലിസ്റ്റ് ചെയ്താണ് ഉദ്യോഗാർത്ഥികളെ തിരഞ്ഞെടുക്കുന്നത്. പരിശീലന കാലയളവിൽ അൻപതിനായിരം രൂപ മുതൽ ഒന്നര ലക്ഷം രൂപ വരെയും തുടർന്ന് മികച്ച ശമ്പളവും വിവിധ ആനുകൂല്യങ്ങളും ലഭിക്കുന്ന ഈ നിയമനവുമായി ബന്ധപ്പെട്ട കൂടുതൽ വിവരങ്ങൾ ഔദ്യോഗിക വെബ്സൈറ്റിൽ ലഭ്യമാണ്.