അങ്കമാലി ഫിസാറ്റ് എഞ്ചിനീയറിംഗ് കോളേജ് ഇരുപത്തിയഞ്ച് വർഷത്തെ അക്കാദമിക് പാരമ്പര്യം പൂർത്തിയാക്കി സിൽവർ ജൂബിലി ആഘോഷിക്കുന്ന വേളയിൽ, മികച്ച അക്കാദമിക് പരിശീലനത്തോടൊപ്പം സാങ്കേതിക വിദ്യയുടെയും സംരംഭകത്വത്തിന്റെയും കേന്ദ്രമായി ഈ സ്ഥാപനം വളർന്നു കഴിഞ്ഞു. ഫെഡറൽ ബാങ്ക് ഓഫീസേഴ്സ് അസോസിയേഷന്റെ കീഴിൽ പ്രവർത്തിക്കുന്ന ഈ കലാലയം ബി.ടെക്, എം.ടെക്, എം.സി.എ, എം.ബി.എ തുടങ്ങിയ വിവിധ കോഴ്‌സുകൾക്ക് പുറമെ ഓട്ടോണമസ് പദവിയും നേടിയിട്ടുണ്ട്. വിദ്യാർത്ഥികളുടെ നൂതന ആശയങ്ങളെ ഉൽപ്പന്നങ്ങളാക്കി മാറ്റാൻ സഹായിക്കുന്ന എഐസിടിഇ ഐഡിയ ലാബ്, ഫാബ് ലാബ് എന്നിവയും, നാഷണൽ സ്കിൽ ഡെവലപ്മെന്റ് കോർപ്പറേഷനുമായി സഹകരിച്ച് ആരംഭിച്ച രാജ്യാന്തര ലാബുകളും ഈ സ്ഥാപനത്തിന്റെ പ്രധാന നേട്ടങ്ങളാണ്. എൻ.എ.എ.സി എപ്ലസ് ഗ്രേഡും നാഷണൽ ബോർഡ് ഓഫ് അക്രഡിറ്റേഷനും ഉൾപ്പെടെയുള്ള നിരവധി അംഗീകാരങ്ങൾ നേടിയിട്ടുള്ള ഫിസാറ്റ്, സാങ്കേതിക വിദ്യാഭ്യാസത്തോടൊപ്പം കലാകായിക രംഗങ്ങളിലും മികച്ച അവസരങ്ങളും ഉയർന്ന പ്ലേസ്‌മെന്റും വിദ്യാർത്ഥികൾക്ക് ഉറപ്പുനൽകുന്നു.