SHILLONG: Shillong Peak Ropeway Project-ko Laban-o dongenggiparangni jegalanio Voice of the People Party (VPP) chakpaaha, project-ko dondipatna nanga aro iako gipin biapona jitatna nanga ine dabiangaha, department-rangni kosako court petition ka·na mikrakataha.
Sukrobar salo VPP president Ardent Miller Basaiawmoit, Joint Steering Committee (JSC) banner-ni ning·o jegalgipa songni manderang baksa bilakgipa bakrimaniko aganangpaaha aro project-ni bidingo uamangni nangnikanina ka·sachakjaenganina sorkariko matnangaha.
Madan Laban-o ropeway project-ni lower terminal biapko seal ka·anio jak dongpaanina Khasi Hills Autonomous District Council (KHADC) official-ni kosako Tourism Department-ni badi ka·na chanchianiko Basaiawmoit sing·angaha, officer uni official duty-rangkosan ka·enga ine aganangaha.
“Officer council-ni officer ong·e ua an·tangni kamko mangmang ka·enga,” ine ua aganaha, iako indake dakani pal KHADC Executive Committee-ko kosakosa department badi ka·nasa nangachim,” ine ua agandapangaha.
Forest management-ni bidingo Basaiawmoit sing·angaha, United Khasi-Jaintia Hills District Management and Control of Forests Act, 1958-ni provision-rang baksa sorkari an·tangan niangchengna nanga.
Act-o janapa donggipako ua aganangaha, Raid forest-ko local administrative skotongrangni nirokani ning·o ua biapni Raid-rangni skotongrangchi nirokaniko dakanggen, niamrangna subject-rangko district council-ni Executive Committee-chi talatna man·a.
“Jemangan ia mamlao jak dongpagiparang jekai Tourism Department, Forest Department aro Raid Laban-ni dilgiparang Supreme court-ni pe·na jotton ka·enga,” ine ua aganaha.
Jolni jegalani kosako project-na sorkari kam ka·angkua ong·ode dingtangmancha Tourism department aro gipin department-rangni kosako manigijanina petition party-ni gita ka·skagen ine niamni gita ja·ku de·na Basaiwmoit mikrakataha.
Sorkari uamangni kam ka·enganiko name dake nipiltaichina aro Shillong Peak Ropeway Project-ko dondipatchi ba gipin biapona jitatchina jolni manderang dabiengako knachakchina ua mol·molangaha.