SHILLONG: Gitcham sak 8 UDP legislator-rang jemangan mejamangmang BJP-o napa uamang baksa a·dok sorkario cabinet-ni bidingo agangrika dongkuja ine BJP MLA Olansing Suin aganaha, minister-ni gadangko man·a sinjetenga ine jangatenggipa kattarang tolgipasa ine aganangaha.
Meghalaya Legislative Assembly-o gitcham sak 8 UDP legislator-rangko chanchapanichi sak 10-ona baridapan baksana BJP-ko bilakdapatenga, NPP-chi dilenggipa Meghalaya Democratic Alliance (MDA) sorkarini cabinet-o biapko party baridapatna re·chakatgenma sing·ani nakataha.
Legislator-rang cabinet-na sing·arangko agangrika dongja aro uamangni political-ko tariangani bak ong·e apsan ku·cholsan kamko ka·angna uamang skanggipa donaha ine Suin agandapangaha.
Party-o member baridapangani ja·man cabinet-o baridpatna dol ka·dongsoengama ine sing·anina ua aganchakangaha, “Ia cabinet biapna chinga sinjetja.”
Ia mamlani bidingo gital rimnapa man·gipa BJP legislator-rang gisepgriko maiba agangrikanirang dongama ine sing·angaha, ‘Ia mamlana uamang ku·monga dongkuja’ ine Suin aganaha. “Da·o dipet iani bidingo darangba agangrika dongkuja,” ine ua aganaha.
Bakrimgipa politics-ni gisik dolni re·mikkangako name dake dilna nanga, cabinet ong·na uamang gisiko sike dabigipa ong·ja ine ua gisiko nangbate aganangaha.
“Nibo, jensalo bakrimgipa dolrang apsan ku·cholsan ong·e kam ka·a ong·ode indakgiparangna sing·na nanganirang dongja,” ine ua agandapangaha.