TURA: Nangrimgimin A·chik Dol (NAD) Meghalaya-ni Governor C.H. Vijiyashankar-ko Tura Lok Bhawan-o Butbar salo grongenba dingtang dingtang nangarangni bidingo agangrikangaha aro dabianirangko dakangaha.
Uamangni Govenor-ko gronge agangrikani somoio mongsongbate Garo Hills-ona napdrabaenba niamgri songdongenggiparangko am·sandie watpilatchina, Tura-o rikenggipa Medical College-ko Public-Private Partnership (PPP) mode-o chalaina on·jachina Governor-ko mol·molaha, minggipinara Labour Department Branch-ko Garo Hills-ni sima jolo donchina, jedakode Bangladesh aro gipin a·dokrangoni Garo Hills-ona kam ka·na napbana skang uamangko biming segate rakkina man·gen, uani giminba Govrnor baksa agangrikaha aro uamangni nangnike mol·molanirangko chu·sokatchina gitaba Governor-ko didiaha ine NAD-ni President David Ch Marak parakangaha.
Iarangna agreba West Garo Hills-ni Wadagokgre-o donggipa Servey of India-ni sandie man·gipa Archaeological site-ni bang·a bosturang ka·sin ka·sin gimaangengahani gimin ua biapko Protected Area dakchina aro uni samba jolo gipin a·songoni niamgri napdrabae songdongenggiparangko a·rikgalchina Governor-na janapaha. Unbaksa Garo Hills Autonomous District Council (GHADC)-ni election-ko maini gimin ong·atningna man·jaenga iani bidingo golpoengon, “GHADC-o da·o Delimitation matchotkujaenga jensalo matchotahaon anga ta·raken election-ko ong·atna namnikpaaniko on·aigen,” ine Governor ku·chakaha ine NAD parakataha.
GHADC-o maina Sixth Schedule-ko implement ka·na man·ja, badiao Municipal Board dongna nangachim unbaksana Nokmarangni bil komiangengani giminba Govenor-na janapaha, unigisepon iarangko sandie nipiltaianiko dakanggen ine ua ka·dongani kattarangko aganaha ineba NAD President parakataha.
National
NAD, uamangni dabianirangko Governor-o janapa
This content is published by The Shillong Times and has not been created or edited by IB9TV. View original
