TURA: Dumper garirangni nangana batpile jrime rong·terangko gate salanti salruraengani a·sel West Garo Hills a·jani Babadam bajar-oni Buripara-ona aro Buripara-oni Chidaogre-ona Pradhan Mantri Gram Sadak Yojana (PGSY)-ni block on·gipa rama jagni ong·gijan nosto ong·engaha ine Garoland State Movement Committee (GSMC)-ni Enviroment Secretary Silbath A Sangma matnangataha.
Uni aganani gitade, Jengjal jolchipakna rong·te salangenggipa Dumper garirang mongsonggipa rama gita re·gija nangana batpile jirme rong·terangko gatenba chonbegipa songni rama gitasa salruraenga, indake ia ramako taria matchotani da·o jagnisan ong·kuengon block angipa rama da·on nosto ong·engaha. Songni-nokni manderangna re·a doanio jakkaltona gita tarie on·gipa ramako dumper garirang ta·raken nosto ka·engaha, ian ja·mano songni-nokni manderangna neng·nikaniko ra·bataigen ine Sangma aganaha.
Unigmin ia rama gita dumper garirangko saljachina aro Chidaogre-oni Babadam-ona mongsonggipa ramako re·skachina gita GSMC dilgipa didiataha. Unigisepon manigija salruragenchimode, uamangni kosako ja·ku de·gen ineba GSMC dilgipa Silbath A Sangma mikrakataha.
National
Babadam-Buripara PMGSY rama gita Dumper saljachina GSMC mikrakata
This content is published by The Shillong Times and has not been created or edited by IB9TV. View original
