RESUBELPARA: North Garo Hills a·jani Mendal Don Bosco-o bara sika koanirango gisiko nanggipa chamdaberang aro an·tangtangni changa sapagipanirangko namdapatanina Meghalaya sorkarini gita dakchake on·engani ning·o Meghalaya State Skill Development Society-ni gita Free Trailoring Class-ko ong·atenga. Ia ong·atenggipa training class-o jolni bang·a gisiko nanggipa chadamberang, mongsongbate skulrango lekka porako skie ra·aniko dontonggiparang, ba nokdangni gita bilgrie chubata gadango bidako skie ra·na chol ong·pajae noko indin dongenggipa chandambe me·chikrangna ba·ra sika koanirangko indin skie on·anganiko dakenga.
Indake dingtang dingtang obostarangchi poraianiko dontongna nange indin dongenggipa chadamberangna iandakgipa namgipa cholko ra·bae, Free Tailoring class-ko ong·atenganina a·dokni Skotong Minister Conrad K. Sangma-ko mittelpilangba, ian a·doko indin kam gri ong·e dongenggipa chadamberangna mongsongbate me·chikrangna namgipa janggi tangani cholko on·ani ong·a, maina ian an·tangtangni changa sapaniko namdapate mikkangchi antangni  changa sapanio pangchakna aro jakgitel ong·e namgipa janggi tanganiko a·bachengatna namen gamchatgipa cholba ong·a ine skie ra·enggipa chadamberangoni saksa aganaha.
Ia indin skie on·enggipa cholko ra·e jolni bang·a chadamberangan  dingtang dingtang gandingni bararangko sika koanirangko skie ra·angaha aro mikkangchi an·tangtangni janggi tanganina namgipa cholko man·aha.